Mae'r cyfeiriadau hyn yn cynnwys ' alias ' a all adlewyrchu sut y cafodd yr eiddo ei adnabod yn hanesyddol neu sy'n cynnwys enw Tŷ, ardal neu wybodaeth am Sir nad oes ei hangen at ddibenion post. Fodd bynnag, gallwch ddewis defnyddio pa bynnag fersiwn o'r cyfeiriad sy'n well gennych lle mae dewisiadau eraill yn cael eu dangos.

Ydy’r adeilad yn newydd?

Os mai adeilad newydd yw’r annedd ydych yn chwilio amdano (neu er enghraifft tŷ sy’n ddiweddar wedi ei droi’n fflatiau), efallai na fydd y cod post wedi'i ychwanegu at ein cronfa ddata eto. Os nad yw’ch cyfeiriad wedi ei restru a fyddwch gystal â  gadael i ni wybod. Mi geisiwn gywiro hyn cyn gynted ag y gallwn.

Os nad yw’r adeilad yn newydd ac ‘rydych yn dal i fethu dod o hyd i’r cyfeiriad neu’r cod post ydych yn chwilio amdano, ‘rydym yn argymell:

• Gwirio eich sillafu ac ychwanegu cymaint o fanylion a sydd bosib yn ymwneud â’r cyfeiriad er mwyn ceiso am ganlyniadau gwell.
• Os yw’r cyfeiriad ydych yn chwilio amdano yn defnyddio enw adeilad (e.e. ‘Media House’ neu ‘Seaview Cottage’) yn hytrach na chyfeiriad stryd, efallai nad ydym yn gyfarwydd â’r enw. Ceisiwch chwilio am y cyfeiriad stryd os ydych yn ei wybod.
• Peidiwch a phoeni am dalfyriadau – ‘rydym yn derbyn talfyriadau mwyaf cyffredin cyfeiriadu (e.e. ‘Rd’, ‘St’, ‘Ave’).

Os ydych yn parhau i fethu gweld y cyfeiriad ydych yn edrych amdano, a fyddwch gystal â rhoi gwybod i ni yma.

Mwy nag un fersiwn o’r un cyfeiriad

Gallasai hyn ddigwydd weithiau pan fod enw adeilad yn hytrach na rhif i gyfeiriad, neu bod ganddo’r ddau. Gellir ddefnyddio unrhyw un i gyfeirio’r post, ond yn gyffredinol, mae’n well defnyddio rhif yr annedd yn hytrach nac enw.

Mae hefyd adegau pan y gallech weld mwy nac un canlyniad ar gyfer cyfeiriad unigol. er engraifft tŷ sydd wedi ei droi’n fflatiau, ble mae’r post yn cael ei ddosbarthu i un drws ffrynt sy’n cael ei rannu. Yn yr achosion hyn ‘rydym yn dangos prif enw’r annedd ac enw’r stryd, ac yna rhif yr annedd gyda rhif y fflat unigol. Er engraifft, efallai y bydd tri canlyniad; 3 High Street; 3A High Street; a 3B High Street, neu 3 High Street; Ground Floor Flat, 3 High Street; a First Floor Flat, 3 High Street.

Problemau technegol?

Os na allwch weld unrhyw ganlyniadau, byddwn yn argymell eich bod yn defnyddio porwr gwahanol – fel arfer, mae Google Chrome ac Internet Explorer 10 neu uwch yn gweithio’n well hefo’r Cyrchwr Codau Post. Byddwch yn gallu gweld y canlyniadau ar fap wrth ddefnyddio Chrome, Safari, Firefox, IE 10 neu uwch (nid yw’n gweithio gydag IE 8 neu 9).

Os ydych wedi sylwi fod rhan neu gyfan eich cyfeiriad yn edrych yn anghywir yn y Cyrchwr Codau Post, cysylltwch a ni a gadewch i ni wybod os gwelwch yn dda.

Mae’n gwybodaeth ar gyfeiriadau a chodau post yn cael ei gynnal yn y Ffeil Cyfeiriadau Post (PAF®). Mae PAF yn cael ei rheoleiddio yn y DU gan Ofcom.

Mae’r newidiadau allwn wneud i’ch cyfeiriad yn cynnwys:

• Cyfeiriad anghywir neu anghyflawn
• Cyfeiriad sydd wedi’i adael allan
• Enw busnes
• Anheddau sydd wedi eu troi yn breswylfeydd ar wahan (e.e. troi tŷ’n fflatiau)

Nodir: os dymunir gwneud newidiad i enw annedd neu enw stryd, a fyddwch gystal â chysylltu â’ch Awdurdod Lleol.